Qarshida 10 kunlik chaqalog‘ini sotayotgan ayol qo‘lga olindi
Jamiyat
−
17 iyun 2019 4514
Kecha, 15 iyun kuni Qashqadaryo viloyatida 10 kunlik chaqalog‘ini sotayotgan ayol qo‘lga olindi. Bu haqda Ichki ishlar vazirligi Matbuot xizmati xabar berdi.
Qashqadaryo viloyati IIB Transportda xavfsizlikni ta’minlash boshqarmasi va Qarshi shahar Iqtisodiy jinoyatlarga qarshi kurash Departamenti xodimlari tomonidan tezkor tadbir o‘tkazilgan. Natijada, Qarshi tumanida yashovchi 24 yoshli A.N. ismli ayol tanishi 28 yoshli F.M. bilan o‘zaro jinoiy til biriktirib, o‘zi dunyoga keltirgan 10 kunlik chaqaloq o‘g‘lini “Qarshi” temir yo‘l vokzali oldida joylashgan avtobuslar to‘xtash joyida 1 000 AQSH dollariga sotayotgan vaqtlarida ushlangan.
Holat yuzasidan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilyapti.
Live
Barchasi
