15 yoshli bola 10 yashar qizni o‘ldirdi (video)
Olam
−
20 aprel 2023 34538
Rossiyaning Qorachoy-Cherkas respublikasi hududida 10 yoshli qiz 15 yoshli qo‘shnisi tomonidan o‘ldirildi. Bu haqda “Lenta.ru” xabar berdi.
Qayd etilishicha, qiz muzqaymoq olish uchun ko‘chaga chiqib ketib, uyiga qaytmagan. Uning jasadi uyining kiraverishidan topilgan. Ma’lum bo‘lishicha, uni 15 yoshli qo‘shnisi, Alan ismli bola eshik oldida uchratib qolib, boshiga tosh bilan urgan va bo‘ynini kesib tashlagan. Qizning otasi uni uyi oldidan kiyimsiz holda topgan.
Jinoyatni sodir etgan o‘smir esa qon izlarini yo‘qotish maqsadida kiyimlari va poyabzalini yuvib tashlagan. Biroq oxir-oqibat u barchasini tan olgan.
Hujumdan maqsad nima bo‘lgani hozircha noma’lum. Tergov harakatlari davom ettirilmoqda.
Eslatib o‘tamiz, avvalroq Toshkentda 12 yoshli qiz zo‘rlanib, o‘ldirib ketilgan hamda uning jasadi uyi yaqinidan topilgan edi.
Live
Barchasi
