1-sinfga qabul 20 iyundan boshlanadi
Jamiyat
−
10 iyun 3984
2024-2025 o‘quv yili uchun 1-sinfga qabul 20 iyundan boshlanadi. Bu haqda Maktabgacha va maktab ta’limi vazirligi ma’lum qildi.
Reglamentga muvofiq, 1-sinfga qabul jarayonlari 2 bosqichda amalga oshiriladi:
1-bosqich: 20 iyundan 31 iyulgacha mikro-hudud doirasida,
2-bosqich: 1 avgustdan 15 avgustgacha mikro-hududdan tashqarida.
1-sinfga qabul jarayonlari ayrim tuman (shaharlarda) elektron shaklda davlat xizmatlari orqali amalga oshiriladi. Bunda ota-onalar 20 iyundan boshlab my.maktab.uz elektron platformasi orqali ro‘yxatdan o‘tib, ariza topshirishi mumkin.
"Davlat xizmatlari ko‘rsatilmaydigan hududlarda 1-sinfga qabul qilingan o‘quvchilar vazirlik elektron tizimi (adm.maktab.uz)ga kiritiladi", deyiladi xabarda.
“Ta’lim to‘g‘risida”gi Qonunga muvofiq, bolalar 7 yoshga to‘ladigan yilda maktabga qabul qilinadi. Bu yil 1-sinfga 2017 yilning 31 dekabriga qadar tug‘ilgan bolalar maktabga qabul qilinadi.
Live
Barchasi
