Lukashenkoga “Tesla bilan raqobatlashishi mumkin bo‘lgan raqib“ ko‘rsatildi

Kecha, 5 may kuni Belarus Prezidenti Aleksandr Lukashenko elektr transporti sohasidagi ichki o‘zgarishlarni ko‘zdan kechirdi. Xususan, unga elektr bilan harakatlanadigan yo‘l tanlamasning sinov modeli namoyish etildi. Bu haqda davlat rahbarining matbuot xizmati xabar berdi.

“Ishlab chiquvchilarning fikriga ko‘ra, ushbu yo‘l tanlamas kelajakda Tesla bilan raqobatlasha oladi“, deyiladi xabarda.

Ma’lum qilinishicha, elektr avtomobili Prezidentga “yengil va oson boshqariladigan“ sifatida taqdim etildi. Yaxshilangan dinamik xarakteristikalari bilan tezligi soatiga 170 km gacha chiqishi va bitta zaryadda 270 km masofani bosib o‘tishga qodir.

Lukashenko, bu uning uchun “juda ta’sirli“ ekanligini ta’kidladi. U bunday rivojlanishga qisqa vaqt ichida erishilishini kutmaganini ta’kidladi.

Shuningdek, Prezidentga elektr toki bilan ishlaydigan xokkey maydonlarga muz ustida harakatlanuvchi kombayn ko‘rsatildi. Xokkey ishqibozi bo‘lgan Lukashenko mamlakatning muz stadionlari uchun 25 ta shunday mashinani buyurtma qilishga va’da berdi.

Lukashenko shuningdek, elektr velosipedlarni va skuterlarni o‘rganib chiqdi va shaxsan bir nechta nusxalarini sinab ko‘rishga rozi bo‘ldi.