O‘zbekiston MTJ pastga sho‘ng‘idi
Sport
−
19 Sentabr 2019 4379
FIFA bugun, 19 sentyabr holatiga ko‘ra milliy jamoalarning yangi reytingini e’lon qildi. Unga ko‘ra, JCH-2022 saralashini Falastinga qarshi mag‘lubiyat bilan boshlagan O‘zbekiston milliy jamoasi 4 pog‘ona pastlab 88-o‘rindan joy oldi.
O‘zbekistonni mag‘lub etgan Falastin esa reytingda 1 pog‘ona yuqorilab, 101-o‘ringa chiqib oldi. O‘zbekiston Osiyo jamoalari ichida reytingda 12-o‘rinda turibdi. 
JCH saralashini g‘alaba bilan boshlagan Suriya 2 pog‘ona yuqorilab O‘zbekistonni ortda qoldirdi va 85-o‘ringa joylashdi. Osiyo jamoalari orasida hamon Eron reytingda yetakchilik qilmoqda. Mark Vilmots jamoasi dunyo reytingida 23-o‘rinda bormoqda.
Jahon reytingini hamon Belgiya milliy jamoasi boshqarmoqda. Keyingi o‘rinlarda Fransiya, Braziliya, Angliya, Portugaliya va Urugvay egallagan. Kuchli o‘nlikni Argentina yakunlab bergan.
Live
Barchasi
