Husanovga yana 3 ta Angliya klubi qiziqish bildirmoqda

Sport

−

25 Oktabr visibility16369

“Lans” klubining o‘zbekistonlik futbolchisini Angliyaning bir qator klublari o‘z safiga qo‘shib olish niyatida. Bu haqda “Daily football” nashri xabar berdi.

Dastlab futbolchiga Londonning “Arsenal” klubidan qiziqsh borligi haqida gap-so‘zlar tarqalgandi. Hozirga kelib esa 20 yoshli himoyachiga “Nyukasl”, “Everton” va “Chelsi”dan ham qiziqish bo‘layotgani aytilmoqda.

Ayniqsa “aristokratlar”ning o‘zbekistonlik futbolchiga og‘iz solayotgani haqida bir necha ingliz nashrlari bong urmoqda.

Husanov “Lans” tizimida jami 63 marta maydonga tushib, 4 ta gol urdi va xuddi shuncha golli uzatmani amalga oshirdi. Transfer narxi 5 million yevroni tashkil etuvchi futbolchining Fransiya klubi bilan shartnomasi 2027 yil yoziga qadar mo‘ljallangan.

Eslatib o‘tamiz, avvalroq Husanov yilning eng yaxshi yosh futbolchisi bo‘lishga da’vogarlik qilayotgani xabar qilingandi.

Maqola muallifi