Hindistonda o‘zbekistonlik ayol kaltaklanib, zo‘rlandi

Hindistonning Dehli shahrida O‘zbekiston fuqarosi bo‘lgan ayol uch erkak tomonidan kaltaklanib, zo‘rlandi. Voqea joriy yilning 10 avgust kuni Dehlining janubi-g‘arbidagi Vasant Kunj tumanida yuz bergan.

Hindistonga ikki oy avval kelgan va do‘stlari bilan Madagirida yashagan ayol o‘z shikoyatida ayblanuvchilardan biri uning tanishi ekani, ular yetti oy avval tanishgani va u Gurgaonda yashashini aytgan.

“Uning do‘sti ayolni shanba kuni Vasant Kunjdagi savdo markazida uchrashishga chaqirgan. U ayolni Vasant Kunjdan olib, do‘stlari ham bo‘lgan mashinasida Gurgaonga olib borgan. Ayol unga tashlana boshlaganini aytdi va u qarshilik ko‘rsatganda navbati bilan uni zo‘rlashgan”, dedi politsiya xodimi.

Ayolni uning kvartirasi oldida tashlab ketishgan. Ayol boshidan kechganlarini do‘stlariga so‘zlab bergach, ular uni AIIMS` ga olib borgan. Keyin shifoxona xodimlari politsiyaga xabar bergan.

Uning shikoyatiga asosan politsiya jinoyat ishi ochilib, tergov harakatlari boshlanganini ma’lum qilgan. Ayol tibbiy tekshiruvdan o‘tkazilgan.