Havoda dvigateli yonib ketgan samolyot qismlari aholi yashash manziliga quladi (video) 

Amerika OAV va ijtimoiy tarmoq foydalanuvchilari yo‘lovchi tashuvchi “Boeing 777” samolyoti dvigateli qismlarining Kolorado shtatidagi aholi yashash punktlariga qulashi tasvirlangan videolarni e’lon qilmoqda.

Ma’lum bo‘lishicha, “United Airlines” aviakompaniyasining Denverdan Gonoluluga parvoz qilgan samolyoti nosozlik tufayli havoga ko‘tarilganidan ko‘p o‘tmay qo‘nishga majbur bo‘lgan. Bunga layner dvigatellaridan birida chiqqan yong‘in sabab bo‘lgan. Parvoz paytida va dvigatel qoldiqlarining qulashi oqibatida halok bo‘lganlar haqida ma’lumot yo‘q.

Tasvirga olingan videolavhalarga ko‘ra, yong‘in chiqqan dvigatelning qismlari turar-joy majmuasiga tushgan.

Wow! Mark Moskovics’ Ring camera caught the moment this piece of debris came crashing down in his neighborhood in Broomfield. You can also hear other pieces coming down off-screen @CBSDenver pic.twitter.com/bnQI4MVGSo

— Conor McCue (@ConorMcCueTV) February 20, 2021

Samolyot qismlari tushgan Brumfild shahrining politsiyasi aholidan dvigatel qismlariga tegmaslik va zudlik bilan rasmiylarga xabar berishni so‘ragan.