Hasanboy Do‘smatov Olimpiadaning yarim finaliga chiqdi

Sport

−

03 avgust 2024 visibility11471 timer1 daqiqa

Fransiya mezbonlik qilayotgan 2024 yilgi yozgi Olimpiada o‘yinlarining boks bahslarida -51 kg vazn toifasida ringga ko‘tarilgan o‘zbekistonlik Hasanboy Do‘smatov Qozog‘iston vakili Saken Bibosinovga qarshi jang olib bordi va g‘alaba qozondi. Shu bilan Do‘smatov yarim final yo‘llanmasini qo‘lga kiritdi.

Biroz oldin Olimpiada o‘yinlarining +92 kg vaznda boks bo‘yicha erkaklar o‘rtasidagi chorak final bahslarida o‘zbekistonlik Bahodir Jalolov avstraliyalik Teremoana Juniorga qarshi kurashib, u ham yarim finalga chiqqandi.

Endilikda Do‘smatov 4 avgust kuni yarim final bosqichida Kabo Verde vakili David de Pinaga qarshi bahs olib boradi.

Eslatib o‘tamiz, avvalroq dzyudo bahslarida O‘zbekiston sharafini himoya qilgan Alisher Yusupov 3-o‘rin uchun kechgan bellashuvda yaponiyalik Saito Tatsuroni ippon bahosi bilan yengib, bronza medalga ega chiqqani xabar qilingandi.

Maqola muallifi