Зойир Мирзаев Наврўз сайиллари учун 620 миллион сўм сарфлади
Жамият
−
27 Март 6796
Тошкент вилояти ҳокими Зойир Мирзаев Наврўз байрами сайилларини ташкил этиш учун 620 миллион сўм пул сарфлади. Кеча, 26 март куни вилоят ҳокимининг шу ҳақдаги тегишли фармойиши имзоланган.
Ҳужжатда ёзилишича, вилоят маҳаллий бюджетининг захира жамғармаси маблағлари ҳисобидан вилоят Маданият бошқармасига Тошкент шаҳрида бўлиб ўтадиган Наврўз байрами сайилларида вилоят бадиий ва фольклор жамоалари иштирокини таъминлаш харажатлари учун 620 млн (олти юз йигирма миллион тўрт юз саксон минг) сўм маблағ ажратилган.
Мазкур маблағларни вақтида ажратиш ва тўловларни амалга ошириш Тошкент вилоят ҳокимининг биринчи ўринбосари Абдурасул Абдуллаев ва ҳоким ўринбосари Жамшид Бобожонов зиммасига юклатилган.
