Жиззахдаги “заправка”да “Жигули” портлаб кетди
3-саҳифа
−
24 Июнь 2022 9488
Кеча, 23 июнь куни Жиззах вилоятининг Шароф Рашидов туманидаги автомобилларни газ билан тўлдириш компрессор станциясида “Жигули” русумли машина портлаб кетди. Бу ҳақда вилоят ФВБ хабар берди.
Ҳодиса соат 15:00 ларда Шароф Рашидов тумани “Совунгарлик” МФЙ ҳудудида жойлашган АГТКСда юз берган. ВАЗ-2106 русумли автомобилга ёқилғи тўлдириш жараёнида портлаш содир бўлган.
Ҳодиса оқибатида ҳеч ким жабрланмаган, бошқа транспорт воситаларига зарар етмаган.
Портлаш натижасида ёнғин келиб чиқмаган, ёнғин-қутқарув бўлинмалари ҳодиса жойига чиқарилмаган.
Дастлабки суриштирув натижаларига кўра, ВАЗ-2106 транспорт воситасидаги носозлик бахтсиз ҳодисага сабаб бўлган. Суриштирув ишлари давом этмоқда.
Live
БарчасиБухорода Ғиждувон деҳқон бозори ёнмоқда.
14 Декабрь
