ЖЧда дебют қиладиган энг қиммат футболчилар рейтинги эълон қилинди

Бразилия терма жамоаси ва Испаниянинг “Реал Мадрид” клуби футболчиси Винисиус Жуниор Қатарда бўлиб ўтадиган Жаҳон чемпионатида дебютини нишонлайдиган энг қиммат футболчи ҳисобланади. Ҳозирда Винисиус Жуниорнинг трансфер баҳоси 120 миллион еврони ташкил қилмоқда. Бу ҳақда “Тransfermarkt” портали хабар берди.

“Барселона”нинг келажакдаги ёрқин юлдузи бўлиши кутилаётган Педрига иккинчи поғона насиб қилган. Испания терма жамоасининг аъзосига 90 миллион евролик нарх белгиланган.

Кучли учликда “Боруссия Дортмунд” футболчиси Жуд Беллингем ҳам жой олган. Англиялик футболчи 90 миллион еврога баҳоланмоқда.

“Тransfermarkt” талқинига кўра, Жаҳон чемпионатида дебют қиладиган энг қиммат 10 нафар футболчи билан танишинг:

1. Винисиус Жуниор (Бразилия – “Реал Мадрид”) – 120 миллион евро;

2. Педри (Испания – “Барселона”) – 90 миллион евро;

3. Жуд Беллингем (Англия – “Боруссия Дортмунд”) – 90 миллион евро;

4. Фил Фоден (Англия – “Манчестер Сити”) – 90 миллион евро;

5. Душан Влаҳович (Сербия – “Ювентус”) – 85 миллион евро;

6. Жамал Мусиала (Германия – “Бавария”) –  80 миллион евро;

7. Орельен Тчуамени (Франция – “Реал Мадрид”) – 80 миллион евро;

8. Федерико Вальверде (Уругвай – “Реал Мадрид”) – 80 миллион евро;

9. Антони (Бразилия – “Манчестер Юнайтед”) – 75 миллион евро;

10. Рафаэл Леау (Португалия – “Милан”) – 70 миллион евро.

Аввалроқ, Қатардаги Жаҳон чемпионатига бормайдиган энг қиммат футболчиларнинг нархи эълон қилинган эди.

Маълумот учун, Қатардаги Жаҳон чемпионати шу йилнинг 20 ноябридан 18 декабригача бўлиб ўтиши режалаштирилган.