ЖЧ очилиш ўйинида майдонга тушадиган жамоалар маълум бўлди

2026 йилги футбол бўйича Жаҳон чемпионатининг илк ўйинида Мексика ва Жанубий Африка терма жамоалари ўйнайди. Очилиш ўйини 2026 йил 11 июнь куни Мехико шаҳридаги “Ацтека” стадионида бўлиб ўтади.

Ушбу баҳс 1970 ва 1986 йилги Жаҳон чемпионатлари финалларига мезбонлик қилган, 87 523 томошабинга мўлжалланган “Ацтека” стадионида ўтказилади.  

Жанубий Африка терма жамоаси 2010 йилдан кейин илк бор Жаҳон чемпионатига қайтмоқда. Ўша йилги мундиал Жанубий Африка бўлиб ўтган ва турнирнинг ошилиш ўйинида мезбонлар айнан Мексикага қарши майдонга тушган эди. Орадан 16 йил ўтиб яна ушу жамоалар тўқнашуви Жаҳон чемпионатини бошлаб беради.

Маълумот учун, Жаҳон чемпионати 2026 йилнинг 11 июнидан 19 июлига қадар АҚШ, Канада ва Мексикада бўлиб ўтади. Мексика ва Канада ҳар бири 13 тадан, АҚШ эса 78 та ўйинга мезбонлик қилади. Турнирнинг финал учрашуви Ню-Жерсидаги “Метлайф” стадионида бўлиб ўтади. 

Эслатиб ўтамиз, Жаҳон чемпионатининг гуруҳ босқичига қуръа ташлаш маросимида Ўзбекистон миллий терма жамоаси Португалия, Колумбия ва Ямайка/Конго/Янги Коледония ўтиш ўйини ғолиби билан бирга “K” гуруҳидан жой олган эди.