Жаҳон чемпионати гуруҳ босқичида 999 нафар футболчи майдонга тушди

2026 йилги Жаҳон чемпионати гуруҳ босқичида иштирок этган 48 та миллий терма жамоа сафида жами 999 нафар футболчи майдонга тушди. Бу ҳафда FIFA хабар берди.

Ушбу 999 нафар футболчи турнирнинг гуруҳ босқичида ўтказилган 72 та учрашувда иштирок этди. Ўзбекистон миллий терма жамоаси сафида эса 26 нафар футболчидан Умарбек Эшмуродов, Ботирали Эргашев ва Авазбек Ўлмасалиев умуман майдонга тушмади.

Гуруҳ босқичи якунларига кўра, қуйидаги 32 та жамоа 1/16 финалга йўл олди: Германия, Парагвай, Франция, Швеция, Жанубий Африка, Канада, Нидерландия, Марокаш, Португалия, Хорватия, Испания, Австрия, АҚШ, Босния ва Герцеговина, Сенегал, Бразилия, Япония, Кот-д’Ивуар, Норвегия, Мексика, Эквадор, Англия, Конго Демократик Республикаси, Аргентина, Кабо-Верде, Австралия, Миср, Швейцария, Жазоир, Колумбия, Гана ва Бельгия.

Плей-офф босқичига 32 та жамоа йўл олди. 1/16 финал учрашувлари 28 июндан 3 июлга қадар, 1/8 финал баҳслари 4 июлдан 7 июлгача, чорак финал ўйинлари 9 июлдан 11 июлгача, ярим финал учрашувлари эса 14 ва 15 июль кунлари бўлиб ўтиши режалаштирилган. Финал баҳси жорий йилнинг 19 июль куни бўлиб ўтади.

Эслатиб ўтамиз, мундиалнинг дастлабки 1/16 финал босқичи учрашувида Канада терма жамоаси Жанубий Африкани мағлуб этиб, нимчорак финалга чиқди.