Жаҳон чемпионати финали олдидан АҚШда кучли сув тошқини юз берди

Испания ва Аргентина ўртасидаги 2026 йилги Жаҳон чемпионати финали бошланишига бир неча соат қолганида АҚШнинг Нью-Йорк ва Нью-Жерси штатларида кучли сув тошқини кузатилди. Бу ҳақда “The Sun” нашри хабар берди.

Ноқулай об-ҳаво транспорт тизими фаолиятига жиддий таъсир кўрсатди. Йўлларда тирбандликлар юзага келиб, айрим йўналишларда ҳаракат вақтинча чекланди.

Шу сабабли ҳар икки терма жамоанинг финал олдидан режалаштирилган тайёргарлик жараёни ҳам кечикишларга учради. Транспортдаги муаммолар футболчилар ва жамоа аъзоларининг ҳаракатланишига қийинчилик туғдиргани хабар қилинмоқда. Бу сув тошқинларининг Жаҳон чемпионати финалига қай даражада таъсир қилади бу ҳақда ҳеч қандай расмий муносабат билдирилмади.

Маълумот учун, Жаҳон чемпионати финал баҳси бугун, 19 июль куни Тошкент вақти билан соат 23:55 да бўлиб ўтади. Унда Испания ва Аргентина терма жамоалари ўзаро куч синашади.