Зеленскийнинг Европа бўйлаб сафари Лондонда давом этади

Бугун, 15 май куни Украина Президенти Владимир Зеленский Лондонда Буюк Британия Бош вазири Риши Сунак билан музокаралар ўтказади. Бу ҳақда Украина давлат раҳбари Telegram-каналида маълум қилди.

“Бугун – Лондон. Буюк Британия ерда ва осмонда имкониятларимизни кенгайтиришда етакчи ҳисобланади. Бугун бу ҳамкорлик давом этади. Мен дўстим Риши билан учрашаман”, деб ёзган Зеленский.

Унинг сўзларига кўра, Лондонга сафари давомида моҳиятли яккама-якка музокаралар ҳам ўтказилади.

Ўз навбатида, Украина Президенти девони раҳбари Андрей Ермак ўзининг Telegram-каналида 15 май куни Лондонда муҳим учрашувлар бўлиши, уларда Украина мудофаасини кучайтириш ва НАТОдаги ҳаракатимизни қўллаб-қувватлаш масалалари муҳокама қилинишини маълум қилган. 

Эслатиб ўтамиз, кеча, 14 май куни Зеленский Парижда бўлиб, у ерда Франция Президенти Эммануэль Макрон билан учрашганди. Ундан олдин у Германияга бориб, Киевга ҳарбий ёрдамни ошириш масаласини муҳокама қилди. Украина Президенти Рим ва Ватиканда ҳам бўлиб, Италия раҳбарияти ва Рим папаси Франциск билан учрашди.