“Ювентус” Мората сабаб “Барселона”дан норози бўлмоқда

“Ювентус” Альваро Мората трансфери борасида “Барселона”нинг юритаётган сиёсатидан норози. Қайд этилишича, каталонияликлар бош мураббийи Хави ҳужумчи билан клуб розилигисиз келишувга эришган. Туринликлар устози Массимилиано Аллегри эса испаниялик ҳужумчини қўлдан бой бермасликка бел боғлаган.

“Ювентус” Мората ўрнига ўринбосар топилсагина унинг жамоадан кетишига рухсат беради, бироқ трансфер бюджети чеклангани учун январь ойида унга мос ўринбосар футболчи сотиб ололмайди.

Мората трансфери бўйича келишув 95 фоизга ҳал қилинган, бироқ майда масалалар ҳал қилиниши керак. “Кўк-анорранглилар” “Ювентус” билан ҳужумчини 6 ой муддатга ижарага олишни режалаштириган. Биринчи навбатда Альваронинг собиқ клуби “Атлетико” билан ҳам келишувга эришилган.

Маълумот учун, 28 ёшли ҳужумчи “Барселона” билан камида 1,5 йиллик шартнома имзолайди. Яқин орада унинг агенти Хуанма Лопес келишув ёпилганини расман тасдиқлаши маълум қилинган.