Европа “ёняпти”: минтақада ўрмон ёнғинлари авж олди

Испания, Франция, Португалия ва Грецияда давом этаётган йирик ўрмон ёнғинлари минглаб гектар ҳудудни қамраб олди. Ёнғинларни бартараф этиш учун юзлаб ўт ўчирувчилар, махсус техникалар ҳамда авиация жалб этилган. Бу ҳақда “Deutsche Welle” хабар берди.

Франциянинг жанубидаги Пиреней-Шарқий департаментида жорий йилнинг 4 июль оқшомида бошланган ёнғин оқибатида икки киши, жумладан, бир нафар ўт ўчирувчи ва маҳаллий аҳоли жиддий жароҳат олгани айтилмоқда. Ҳудуддан 5 мингга яқин аҳоли эвакуация қилинган. Ёнғинни ўчириш ишларига 700 га яқин ўт ўчирувчи, 200 та махсус техника, шунингдек, ўнлаб самолёт ва вертолёт сафарбар этилган.

Франция ҳукумати июль ҳолатига кўра, мамлакатнинг 41 департаментида ўрмон ёнғинлари хавфи юқори эканини, улардан 7 тасида эса энг юқори хавф даражаси эълон қилинганини маълум қилган.

Грециянинг Салоники шаҳри яқинидаги чиқиндиларни қайта ишлаш корхонасида юзага келган ёнғин оқибатида қалин тутун шаҳар марказигача етиб борган. Расмийлар аҳолини деразаларни ёпиб, имкон қадар уйда қолишга чақирган. Учта аҳоли пункти ҳамда 157 нафар киши яшайдиган парвариш муассасасэвакуацияия қилинган. Мазкур ҳодиса юзасидан 76 ёшли эркак ўт қўйишда гумонланиб ҳибсга олинган.

Бундан ташқари, Афина ғарбида ҳам йирик ўрмон ёнғини қайд этилган. Уни ўчиришга 210 нафар ўт ўчирувчи, кўнгиллилар ва махсуавиацияия жалб қилинган.

Испаниянинг Жирона провинциясида 3 июлданан буён давом этаётган ёнғин қарийб 2,2 минг гектар майдонни қамраб олган.

Португалиянинг Возел муниципалитетида эса июлда бошланган ёнғин 12 минг гектардан ортиқ ҳудудга тарқалган. Уни ўчириш учун 1 200 нафар ўт ўчирувчи, 400 та махсус техника ва 15 та самолёт сафарбар этилган. Шунингдек, Испания қўшни давлатга 120 нафар ўт ўчирувчи ва 45 та техника юборган.

Маҳаллий ОАВ маълумотларига кўра, Португалиядаги йирик ёнғинлар асосан назорат остига олинган, бироқ айрим ҳудудларда аланга ўчоқлари сақланиб қолмоқда.

Қайд этилишича, Европанинг қатор мамлакатларидаги ўрмон ёнғинлари июнь ойида кузатилган аномал иссиқ об-ҳаво фонида бошланган.

Эслатиб ўтамиз, аввалроқ Франция жанубида жазирама оқибатида йирик ўрмон ёнғинлари юзага келгани хабар қилинганди.