Ёнғинда ўлгани айтилган йигит тирик бўлиб чиқди 

 Олмаотадаги ҳостелда содир бўлган ёнғинда вафот этганлар рўйхатига киритилганлардан бири тирик бўлиб чиқди. 20 ёшли Амирали Рамазон айни дамда Туркистон вилоятининг Дербесиқ қишлоғидаги уйида яшамоқда. Бу ҳақда Қозоғистоннинг “Otyrar.kz” нашри хабар берди. 

Маълум қилинишича, Амирали Чимкентдаги мадрасалардан бирида таҳсил олган. Пул топиш учун Олмаотага кўчиб ўтган. Бу ҳақда Сариоғаш тумани Дербесиқ қишлоғи раиси ўринбосари маълум қилди. 

Фожиадан бир неча кун олдин Сариоғаш туманига бир йигит етиб келди. Ота-онаси уни қишлоққа қайтиб, Тошкентда бирга тиббий кўрикдан ўтишини илтимос қилишди. 

Эслатиб ўтамиз,  Олмаотадаги ҳостелда чиққан ёнғин оқибатида 13 киши ҳалок бўлган эди. Дастлабки маълумотга кўра, одамлар углерод оксиди билан заҳарланган бўлиши мумкин. Маълум қилинишича, 9 нафар Қозоғистон, икки нафар Ўзбекистон ва икки нафар Россия фуқароси ҳалок бўлган. 

Ёнғиндан кейин фавқулодда ҳолат сабабларини ўрганиш бўйича ҳукумат комиссияси тузилган. Олмаота шаҳар Фавқулодда вазиятлар департаменти томонидан содир бўлган ёнғин юзасидан Жиноят кодексининг 292-моддаси “Ёнғин хавфсизлиги талабларини бузиш” билан жиноят иши қўзғатилган. 

1 декабрь куни Бош прокуратура ҳостел ижарачиси ҳибсга олингани ҳақида хабар берди. Тергов доирасида у вақтинчалик сақлаш изоляторига жойлаштирилди. 

“Ҳостел фаолиятига алоқадор барча шахсларнинг ҳаракатлари баҳоланади”, дейилади Бош прокуратура баёнотида.