Viloyatlardagi OTMda huquqshunoslik fakultetlari ochiladi

O‘zbekistonda yuridik ta’limni takomillashtirish, yuridik kadrlarni tayyorlash, qayta tayyorlash va ularning malakasini oshirish tizimi rivojlantiriladi. Bu haqda 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Ilm-ma’rifat va raqamli iqtisodiyotni rivojlantirish yili”da amalga oshirishga oid davlat dasturi loyihasida keltirib o‘tilgan.

Hujjatga asosan bu tizim 2020 yil 20 martga qadar amaliyotga tatbiq etiladi.

Loyihada:

•  viloyatlardagi tegishli salohiyatga ega oliy ta’lim muassasalarida huquqshunoslik fakultetlarini ochish;

•  huquqshunos-pedogog kadrlar malakasini uzluksiz oshirish va ularni qayta tayyorlashning samarali tizimini yaratish;

•  o‘qitishning innovatsion shakl va uslublarini, yangi pedagogik texnologiyalar, interfaol va situatsion mashg‘ulotlar o‘tkazishni joriy etish nazarda tutiladi.

Ijro uchun mas’ullar - Adliya vazirligi, Oliy sud, Bosh prokuratura, IIV, Oliy va o‘rta maxsus ta’lim vazirligi.