Ўзбекистонликлар 9 май муносабати билан неча кун дам олади?

Ўзбекистонда 9 май Хотира ва қадрлаш куни муносабати билан 5 кунлик иш ҳафтасида ишлайдиган ходимлар кетма-кет 3 кун, 6 кунлик иш ҳафтасидагилар эса 2 кун дам олади. Бу ҳақда Президентнинг 2025 йил декабрь ойида имзоланган “2026 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги фармонида белгиланган.

Ҳужжатга мувофиқ, 5 кунлик иш ҳафтасида ишлайдиган ходимлар учун 11 май (душанба) кўчирилган дам олиш куни этиб белгиланган. Бу жорий йилда Хотира ва қадрлаш куни шанба кунига тўғри келгани билан боғлиқ.

5 кунлик иш ҳафтасида ишлайдиганлар учун:

• 9 май, шанба – одатий дам олиш куни (байрам);
• 10 май, якшанба – одатий дам олиш куни;
• 11 май, душанба – Хотира ва қадрлаш куни муносабати билан кўчирилган дам олиш куни.

Жами кетма-кет 3 кун дам олиш.

• 6 кунлик иш ҳафтасида ишлайдиганлар учун:
• 9 май, шанба – ишланмайдиган байрам куни;
• 10 май, якшанба – одатий дам олиш куни.

Жами кетма-кет 2 кун дам олиш.

Эслатиб ўтамиз, аввалроқ жорий йилда Ўзбекистондаги Иккинчи жаҳон уруши қатнашчиларига 30 млн сўмдан пул мукофоти берилиши хабар қилинган эди.