Ўзбекистонлик таэквондочилар илк марта Олимпиадага тўғридан тўғри йўлланма олди

Спорт

−

18 Декабрь 2023 visibility3902

Таэквондо бўйича Ўзбекистон терма жамоаси аъзолари Улуғбек Рашидов (-68 кг) ва Светлана Осипова (+67 кг) Париж-2024 йўлланмаларига эга бўлди. Бу ҳақда Миллий Олимпия қўмитаси (МОҚ) матбуот хизмати хабар берди.

Бутунжаҳон таэквондо федерацияси (WT) Париж-2024 Олимпиадаси учун литсензион рейтинг очколарини жамғариш даври якунлангани ва у орқали Олимпиада йўлланмасини қўлга киритган спортчилар қаторида Рашидов ва Осипованинг номларини ҳам кўриш мумкин.

Қайд этиш жоиз, Ўзбекистон вакиллари биринчи бор рейтинг орқали 2 та йўлланмага эга бўлди. Шунингдек, Осипова ҳам илк маротаба тўғридан тўғри Олимпиада иштирокчисига айланди.

Маълумот учун, Улуғбек Рашидов Токио-2020 Олимпиадаси ғолиби ҳисобланади, Осипова эса 2022 йил Мексиканинг Гвадалахара шаҳри мезбонлик қилган Жаҳон чемпионатида ғолиб бўлган.

Мақола муаллифи