Ўзбекистонда мактаблар қачондан бошланиши айтилди

Жамият

−

25 Август visibility72825 timer1 дақиқа

Ўзбекистон мактабларида 2025/2026 ўқув йили 2 сентябрдан бошланади. Бу ҳақда Мактабгача ва мактаб таълими вазирлиги хабар берди.

Қайд этилишича, Республика бўйлаб барча умумтаълим мактабларида янги 2025/2026 ўқув йили жорий йилнинг 2 сентябридан (сешанба куни) бошланади.

Мактаблардаги ўқув жараёнининг биринчи соатларида “Ватан учун, миллат учун, халқ учун!” шиори остида “Келажак соати” дарслари ўтказилади.

Шунингдек, жорий йилда биринчи синфга қабул қилинадиган 738 минг нафардан ортиқ ўқувчига 12 номдаги ўқув қуролларидан иборат “Президент совғаси” тантанали топширилади.

Эслатиб ўтамиз, аввалроқ 2025-2026 ўқув йили олий таълим муассасаларининг 1-курслари учун 3 сентябрь, юқори курсларга эса 8 сентябрь кунидан бошланиши хабар қилинган эди.

Мақола муаллифи