Ўзбекистонда 1 кило палов тайёрлаш қанчага тушади?

1 килограмм (кг) палов тайёрлаш учун ҳудудлар кесимида энг юқори нарх Тошкент шаҳрига тўғри келади. Бу ҳақда Миллий статистика қўмитаси хабар берди.

Унга кўра, пойтахтда 1 кг палов тайёрлаш учун 116 128 сўм сарфлашга тўғри келади. Рейтингдаги энг арзон кўрсаткични 98 234 сўм нарх билан Қорақалпоғистон Республикаси эгаллаган. 

Ҳудудлар бўйича нархлар кетма-кетлиги қуйидагича:

• Қорақалпоғистон Республикаси – 98 234 сўм;
• Сирдарё вилояти – 104 256 сўм;
• Андижон вилояти – 106 160 сўм;
• Хоразм вилояти – 107 027 сўм;
• Бухоро вилояти – 107 931 сўм;
• Наманган вилояти – 108 617 сўм;
• Жиззах вилояти – 109 666 сўм;
• Навоий вилояти – 109 697 сўм;
• Сурхондарё вилояти – 111 624 сўм;
• Қашқадарё вилояти – 111 922 сўм;
• Тошкент вилояти – 112 607 сўм;
• Самарқанд вилояти – 112 930 сўм;
• Фарғона вилояти – 115 413 сўм;
• Тошкент шаҳри – 116 128 сўм.

Маълумот учун, юқоридаги рақамлар ҳудудларда сотилаётган 1 кг паловнинг нархига тўғри келмайди. Уларда палов тайёрлаш ва бошқа хизматлар ҳақи ҳам қўшиб ҳисобланади.

Жавоҳир Алиқулов