O‘zbekistonda 1 kilo palov tayyorlash qanchaga tushadi?

1 kilogramm (kg) palov tayyorlash uchun hududlar kesimida eng yuqori narx Toshkent shahriga to‘g‘ri keladi. Bu haqda Milliy statistika qo‘mitasi xabar berdi.

Unga ko‘ra, poytaxtda 1 kg palov tayyorlash uchun 116 128 so‘m sarflashga to‘g‘ri keladi. Reytingdagi eng arzon ko‘rsatkichni 98 234 so‘m narx bilan Qoraqalpog‘iston Respublikasi egallagan. 

Hududlar bo‘yicha narxlar ketma-ketligi quyidagicha:

• Qoraqalpog‘iston Respublikasi – 98 234 so‘m;
• Sirdaryo viloyati – 104 256 so‘m;
• Andijon viloyati – 106 160 so‘m;
• Xorazm viloyati – 107 027 so‘m;
• Buxoro viloyati – 107 931 so‘m;
• Namangan viloyati – 108 617 so‘m;
• Jizzax viloyati – 109 666 so‘m;
• Navoiy viloyati – 109 697 so‘m;
• Surxondaryo viloyati – 111 624 so‘m;
• Qashqadaryo viloyati – 111 922 so‘m;
• Toshkent viloyati – 112 607 so‘m;
• Samarqand viloyati – 112 930 so‘m;
• Farg‘ona viloyati – 115 413 so‘m;
• Toshkent shahri – 116 128 so‘m.

Ma’lumot uchun, yuqoridagi raqamlar hududlarda sotilayotgan 1 kg palovning narxiga to‘g‘ri kelmaydi. Ularda palov tayyorlash va boshqa xizmatlar haqi ham qo‘shib hisoblanadi.

Javohir Aliqulov