Ўзбекистон йирик киноиндустрия марказига айланади

Маданият-санъат

image

"Ўзбеккино" Миллий агентлиги ўзининг технологик базасини кенг кўламли қайта жиҳозлашни бошлади.

Дания пойтахти Копенгаген шаҳрида “ Ўзбеккино” миллий агентлиги ва Даниянинг “Danmon Group” компанияси ўртасида "Ўзбекфильм” киностудияси кино ускуналари, технологик тизимлари ва мультимедиа маҳсулотлари билан жиҳозлаш бўйича йирик лойиҳани амалга ошириш юзасидан музокаралар бўлиб ўтди. 

Томонлар бадиий фильмлар, ҳужжатли фильмлар, мультипликацион фильмлар тайёрлаш учун асбоб-ускуналарни етказиб бериш масалаларини муҳокама қилди.

Лойиҳа яқин икки йил ичида амалга оширилади. Кино жиҳозларини модернизация қилиш билан бир қаторда, “Ўзбекфильм” киностудияси майдончаси қайта таъмирдан чиқарилади. "Ўзбеккино" Миллий агентлиги Бош директори Фирдавс Абдухолиқовга кўра, компаниянинг технологик базаси ва унинг бўлимларини ҳар томонлама қайта жиҳозлаш Ўзбекистон Республикаси Президенти топшириғига мувофиқ амалга оширилади.

Лойиҳада “Ўзбекфильм”нинг фильм яратиш жиҳозлари ва ҳужжатли фильмлар киностудияси, мультипликацион студия ҳамда республика кино фондининг тўлиқ янгиланиши кўзда тутилган.

Янги жиҳозлар ёрдамида давлат ва хориж архив фондларида сақланаётган кинотасмаларни рақамлаштириш ва қайта тиклаш имконини қўлга киритилади.

"CANON, APPLE, VICON ва шу каби бошқа компаниялар бизга Марказий Осиёдаги энг йирик кино ишлаб чиқариш базасини яратишимизга имкон беради”, дейди “Ўзбеккино” Миллий агентлиги раҳбари Фирдавс  Абдухолиқов.


Мақола муаллифи

Теглар

Ўзбекфильм Фирдавс Абдухолиқов

Баҳолаганлар

8

Рейтинг

2.5

Мақолага баҳо беринг

Дўстларингиз билан улашинг