Ўзбекистон қайси давлатлар билан кўпроқ савдо қилмоқда?

2024 йилнинг январь-апрель ойларида Ўзбекистон Республикаси ташқи савдо айланмасида юқори улушга эга бўлган ҳамкор давлатлар рейтингида Хитой етакчилик қилмоқда. Бу ҳақда Статистика агентлиги хабар бермоқда. 

• Хитой – 3,9 млрд доллар;
• Россия – 3,8 млрд доллар;
• Қозоғистон – 1,2 млрд доллар;
• Туркия – 920,2 млн доллар;
• Корея – 695 млн доллар;
• Франция – 386,4 млн доллар;
• Германия – 345 млн доллар;
• Афғонистон – 308,6 млн доллар;
• Туркманистон – 288,5 млн доллар;
• Ҳиндистон – 270,3 млн доллар.

Статистика агентлиги маълумотларига кўра, Ўзбекистон 4 ойда жаҳоннинг 186 та мамлакати билан савдо алоқаларини амалга ошириб, ташқи савдо айланмаси ҳажмини 20,9 млрд АҚШ долларига етказган. ТСАнинг нисбатан салмоқли ҳиссаси Хитой (19 %), Россия (18,4 %), Қозоғистон (5,9 %), Туркия (4,4 %) ва Корея Республикасида (3,3 %) қайд этилган.

Экспорт – 8,5 млрд (9 % га ошган)

Импорт – 12,4 млрд (3,9 % га ошган)

Эслатиб ўтамиз, 2024 йилнинг январь-февраль ойларида Ўзбекистоннинг ташқи савдо айланмаси 9,9 млрд АҚШ долларидан ошгани хабар қилинганди.

Ҳабиб Жўрабоев