Ўзбекистон фуқаролигини олган теннисчи WTA 125 чемпиони бўлди

Ўзбекистон терма жамоаси вакили Камилла Раҳимова Франциянинг Анже шаҳрида якунланган WTA 125 Open Angers Arena Loire турнирида чемпионликни қўлга киритди. 

Камилланинг чемпионлик сари йўлида турнирнинг иккинчи рақамли теннисчиси хорватиялик Ана Ружич устидан қозонган 4–6, 6–3, 7–5 ҳисобидаги ғалабаси билан турнирнинг финал босқичига йўл олди. 

Ҳал қилувчи финал учрашувида Раҳимова германиялик Тамара Корпачга қарши кортга чиқди. Икки соату 24 дақиқа давом этган матчда WTA рейтингида 112-ўринни эгаллаб турган Раҳимова 6/3, 7/6(4) ҳисобида ғалаба қозониб, Анже турнири бош совринини қўлга киритди. Анжедаги ғалаба Раҳимованинг WTA 125 даражасидаги жорий мавсумдаги илк чемпионлиги ҳисобланади.  

Эслатиб ўтамиз, аввалроқ 2001 йил 28 август куни Екатеринбургда туғилган 24 ёшли Камилла Раҳимова Ўзбекистон фуқаролигини олган эди. Бу чемпионлик Раҳимованинг Ўзбекистон байроғи остидаги илк турнири ва дастлабки чемпионлик соврини бўлди.