Ўзбекистон энг кучли армияга эга давлатлар орасида 18-ўринни эгаллади

Жамият

−

30 Октябрь 2023 visibility40939

News & World Report 87 та давлатни ўз ичига олган энг кучли армияга эга давлатлар рўйхатини тузди. Унда Ўзбекистон 18-ўринни эгаллади. Бу ҳақда “Usnews” нашри маълум қилди.

Унга кўра, Россия дунёдаги энг кучли армияга эга давлат, деб топилди. 2-ўриндан эса дунёнинг яна бир гиганти АҚШ жой олди. 3-ўрин Хитойга насиб қилди. Кучли бешликни Исроил ва Жанубий Корея якунлади.

Ўзбекистон эса ушбу рўйхатда Миср ва Вьетнамдан кейин 18-ўринда қайд этилган. Бу сафар мамлакат қўшни Қозоғистон ва Бирлашган Араб Амирликларини ортда қолдирди. Ушбу натижа сўнгги йилларда Ўзбекистоннинг ҳарбий салоҳияти ортиб бораётганини билдиради. Хусусан, 19-ўриндан жой олган Қозоғистон сўнгги икки йилда Ўзбекистондан олдинда эди.

Маълумот учун, рўйхатни шакиллантиришда 36 мамлакатдан 17,2 минг киши ўртасида сўровнома ўтказилган. Ҳар бир мамлакатни баҳолашда 73 та жиҳат ҳисобга олинган.

Мақола муаллифи