Ўзбекистон аҳолисининг қанча машинаси борлиги очиқланди
Жамият
−
09 Август 2025 20068 1 дақиқа
Жорий йилнинг 1 июль ҳолатига кўра, Ўзбекистонда жисмоний шахсларга тегишли 4 млн 612,7 мингта автотранспорт воситалари рўйхатга олинган. Бу ҳақда Миллий статистика қўмитаси хабар берди.
Қайд этилишича, автотранспорт воситаларининг асосий қисмини енгил автомобиллар (жамига нисбатан улуши 93 фоиз) ташкил этади. 2024 йилнинг мос даврига нисбатан автомобиллар сони 441,5 мингтага ошган.
Жисмоний шахсларга тегишли автотранспорт воситаларининг турлари бўйича сони қуйидагича:
- енгил автомобиллар – 4 млн 289 минг дона;
- юк автомобиллари – 302,6 минг дона;
- микроавтобуслар – 7,7 минг дона;
- махсус транспорт воситалари – 7,3 минг дона;
- автобуслар – 6,1 минг дона.
Эслатиб ўтамиз, жорий йилнинг 1 апрель ҳолатига кўра, Ўзбекистонда жисмоний шахсларга тегишли 4 млн 522,1 мингта автотранспорт воситалари рўйхатга олингани хабар қилинганди.
Live
Барчаси31 Декабрь 2025
Фарғона давлат техника университети ректори Қўнғиротбой Шариповга янги ўринбосар бўлди.
30 Декабрь 2025
30 Декабрь 2025
30 Декабрь 2025
29 Декабрь 2025
