Украина Россияга қарши F-16 самолётларидан фойдаланишга тайёрланмоқда – Зеленский 

Украина Ғарб томонидан етказиб берилган F-16 қирувчи самолётларини Россияга қарши ишлатишга тайёрланмоқда. Бу ҳақда Украина Президенти Владимир Зеленский кеча, 26 август куни кечки видеомурожаатида маълум қилди.

“Бугун мен кунни Украина Қуролли кучлари бош қўмондони Александр Сирский билан алоҳида узоқ суҳбатдан бошладим: биз ҳам бу ракета ҳужумини қайтаришга, ҳам Россияга жавоб беришга тайёрланяпмиз. F-16’дан фойдаланиш ва Курск вилоятидаги операция учун – биз сўнгги 24 соат ичида назорат зонасини кенгайтирдик”, дейди Зеленский.

Унинг сўзларига кўра, бошқа жабҳалардаги вазият, жумладан, Россия армияси аста-секин олға бораётган ва шиддатли жанглар кетаётган Покровский йўналиши ҳам муҳокама қилинган.

Бундан ташқари, Президент Украина энергетика объектларини Россия ҳужумларидан ҳимоя қилиш бўйича "бир қанча муҳим қарорлар"ни эълон қилди, аммо тафсилотларни келтирмади.

Украинага оммавий ҳужум

26 август куни тунда ва эрталаб Россия Қуролли кучлари Украинага 236 та ракета ва ҳужумчи дронларни отди, улардан 102 та ракета ва 99 та ҳужумчи дрон уриб туширилди. Ҳужумнинг асосий мақсади мамлакатнинг энергетика инфратузилмаси эди. Зеленскийнинг сўзларига кўра, ҳалок бўлганлар ва ўнлаб ярадорлар бор, жумладан, Киев ГЭСи зарар кўрди.

Украина Президентининг "алмашинув фондини тўлдириш" ҳақидаги сўзлари, афтидан, Украина Қуролли кучлари россиялик ҳарбийлар орасидан янги асирларни олганини англатади. Москва ва Киев ўртасида сўнгги ҳарбий асир алмашиш 24 август, Украина Мустақиллик кунида бўлиб ўтди. 115 нафар украиналик ҳарбий хизматчилар уйларига қайтганида. Россияга 115 нафар ҳарбий хизматчи ҳам берилди. Қайд этилишича, улар орасида Украинанинг Курск вилоятидаги ҳужуми чоғида асирга олинган Россия Қуролли кучларининг муддатли ҳарбий хизматчилари ҳам бор.