UEFA турк футболчисини миллатчиликда айблаб, жазолади
Спорт
−
05 Июль 10967
Европа футбол ассоциациялари иттифоқи (UEFA) туркиялик ҳимоячи Мериҳ Демирални Европа чемпионатининг иккита ўйинига дисквалификация қилди. Бу ҳақда “Bild” нашри хабар берди.
2 июль куни Туркия терма жамоаси Германияда бўлиб ўтаётган Европа чемпионати 1/8 финалида Австрия терма жамоасини 2:1 ҳисобида мағлуб этди. Демирал дублга эришди. Иккинчи голдан сўнг футболчи турк миллатчиларининг “кулранг бўри” ишорасини кўрсатди.
Европа чемпионати чорак финалида Туркия терма жамоаси 6 июль куни Нидерландияга қарши майдонга тушади. Демирал мазкур учрашувда жамоадошларига ёрдам бера олмайди, агар турклар ярим финалга чиқа олса ҳам “Ал-Аҳли” аъзоси финалолди баҳсни ўтказиб юборади.
Шундай қилиб, Демирал фақатгина Туркия турнир финалига чиқа олса, майдонга тушиши мумкин.
Эслатиб ўтамиз, аввалроқ Туркия Президенти Ражаб Тойиб Эрдўған Туркий Давлатлар Ташкилоти саммитидаги иштирокини бекор қилиб, терма жамоа ўйинини бевосита стадиондан кўриш учун Германияга бориши хабар қилинганди.
Live
Барчаси
