Учинчи жаҳон уруши аллақачон бошланган – Мадуро 

north_east

Украинанинг НАТОга аъзо бўлиши 3-жаҳон урушига олиб келади – Орбан

Венесуэла Президенти Николас Мадуро Морос Учинчи жаҳон уруши аллақачон бошланганига ишонишини айтди. Бу ҳақда у “Russia Today” телеканалига берган интервьюсида гапирди.

“Икки йил аввал Рим папаси Франциск дунё учинчи жаҳон уруши томон кетаётганини айтган эди. Мен у аллақачон бошланганига ишонаман”, деган сиёсатчи.

Шу билан бирга, Мадуро АҚШни глобал можароларнинг асосий сабабчиси деб ҳисоблайди. Президентга кўра, Вашингтоннинг дунёда сиёсий, иқтисодий ва ҳарбий гегемонлигини ўрнатиш бўйича стратегик режаси бор.

АҚШ Уруш вазири Пит Ҳегсет агар Америка етакчиси қарор қабул қилса, АҚШ қўшинлари Венесуэладаги режим ўзгаришига тайёр бўлишини айтган эди. Президент  Дональд Трампнинг ўзи эса бундай режаларни рад этган бўлсада, Мадурони “тарихдаги энг ёмон президент” деб атаган.

Эслатиб ўтамиз, ўтган ойда АҚШ Бош прокурори Пэм Бонди ўзининг Х ижтимоий тармоғидаги саҳифасида АҚШ Венесуэла Президенти Николас Мадурони ҳибсга олишга ёрдам берадиган маълумот учун 50 млн доллар мукофот ваъда қилишини эълон қилган эди.

Бунёд Келдибоев