Туман сабаб яна парвозлар кечиктирилди
Жамият
−
08 Декабрь 2021 6184
Бугун, 8 декабрь куни эрталаб об-ҳаво шароити туфайли кўришнинг ёмонлашиши Урганч, Нукус ва Навоий аэропортлари фаолиятига таъсир қилди.
Тошкентдан учаётган HY051 рейси Урганч аэропортига соат 08:20 да қўниши керак эди. Бироқ, аэропортдаги қалин туман туфайли рейс қолдирилди.
Дастлабки маълумотларга кўра, самолёт пойтахтдан соат 11:00 да ҳавога кўтарилиб, Урганчга 12:10 да етиб келиши кутилмоқда.
Шунингдек, Тошкент – Нукус йўналиши бўйича HY011 рейси кечиктирилишига туман сабаб бўлди. Самолёт Тошкентдан соат 07:30 да парвоз қилиши керак эди, аммо ноқулай об-ҳаво шароити (200 метрдан кўриш имконияти) туфайли парвоз, дастлабки маълумотларга кўра, соат 10:30 да қолдирилди.
“Навоий” аэропортини ҳам қуюқ туман қоплаб, кўриш масофаси 300-350 метргача қисқарган.
Эслатиб ўтамиз, кеча, 7 декабрь куни ҳам туман туфайли бир қанча маҳаллий ва халқаро рейслар кечиктирилганди.
Live
Барчаси
