Италияда парвоз ҳашаротлар сабабли бекор қилинди

Qantas авиакомпаниясига тегишли самолёт бортидан ҳашаротлар топилгани сабабли Римдан Австралияга учиши режалаштирган парвоз бекор қилинди.Бу ҳақда “Tourprom” нашри хабар берди.

Қайд этилишича, ҳодиса жорий йилнинг 9 октябрь куни Пертдан Римга учаётган Boeing 787 Dreamliner бортида содир бўлган. Парвоз пайтида йўловчилар чақиш ва кучли қичишиш ҳақида шикоят қила бошлаган.

Уларга аломатларини енгиллаштириш учун антигистаминлар берилган, аммо бортдаги дорилар тугаб қолган. Италияга етиб борганидан сўнг, самолёт тўлиқ дезинфекция қилиш учун вақтинча фойдаланишдан чиқарилган. Римдан Пертга қайтиш рейси бекор қилинган.

“Биз йўловчилардан Рим-Перт рейсининг бекор қилингани учун чин дилдан узр сўраймиз”, дейди компания расмий муносабатда.

Бекор қилинган рейсдаги йўловчиларга тураржой берилган ва уларнинг чипталари 48 соат ичида бошқа рейсларга қайта бронь қилинган.

“Бу бизнинг муҳандисларимизга ўриндиқлардаги бошқа муаммоларни ҳам ҳал қилиш имконини берди”, деб айтган авиакомпания вакили.

Эслатиб ўтамиз, жорий йилнинг 6 октябрь куни Нигерияда Найроби–Лагос йўналишида учаётган самолёт йўловчиси парвоз вақтида экипаж аъзоларига қаршилик кўрсатиб, кабина ва самолёт эшигини очишга уринганидан сўнг вафот этгани ҳақида хабар берилган эди.

Жўраев Шаҳриёр