Тухель мухлислардан норози бўлди

Кеча, 9 октябрь куни Англия ва Уэльс терма жамоалари ўртасида ўртоқлик учрашуви (3:0) бўлиб ўтди. Ўйиндан сўнг Англия бош мураббийи Томас Тухель мухлисларнинг муносабатидан норозилик билдирди. Бу ҳақда “Sky” нашри хабар берди.

Евро-2024 финалчилари “Уэмбли” стадионида ўз ўйинини ишончли тарзда бошлади. Морган Роджерс 2-дақиқада ҳисобни очди, Олли Уоткинс ва Букайо Сака эса биринчи бўлимдаёқ натижани 3:0 кўринишига келтирди. Шунга қарамай, Тухель томошабинларнинг жимлигидан ранжиганини яширмади.

“Биз жуда яхши ўйнадик. Биринчи бўлимда 4-5 та гол уришимиз мумкин эди, аммо стадион жим эди. Мухлислар жамоадан куч олишди, лекин ўйлайманки, футболчилар ҳам уларнинг қўллаб-қувватлашига лойиқ эди”, дейди Тухель.

Тухелнинг сўзларига кўра, ўйин давомида “Уэльс” тарафдорлари товуши “Уэмбли”ни босиб кетган.

“Ярим соат давомида фақат Уэльслик мухлислар эшитилди. Бу бироз ачинарли, чунки менимча, жамоа бугун катта қўллаб-қувватлашга лойиқ эди”, дейди у. 

Шунингдек, Тухель Англия жамоасининг Жаҳон чемпионати саралашида Латвияга қарши ўйинида мухлисларни янада фаол қўллаб-қувватлашга чақирган.

Маълумот учун, Англия ва Латвия терма жамоалари иштирокидаги Жаҳон чемпионати саралаш учрашуви жорий йилнинг 14 октябрь куни бўлиб ўтади.