Трамп ўзи Рим папаси сифатида тасвирланган суратни эълон қилди

north_east

Мен папа бўлишни хоҳлайман – Трамп (видео)

АҚШ Президенти Дональд Трамп бугун, 3 май куни Truth Social ижтимоий тармоғида ўзи Рим папаси сифатида тасвирланган суратни жойлаштирди.

Нейрон тармоқлар ёрдамида яратилганга ўхшаб кўринган суратда Трамп зарҳал стулда оқ папалик кассоги – тик ёқали узун тугмали халат кийган ҳолда ўтирганини кўриш мумкин. Президентнинг кўкрагида олтин хоч, бошида эса католик митри - дафна гулчамбарининг рамзи бор.

Чап қўл тиззага қўйилган, ўнг қўлнинг кўрсаткич бармоғи юқорига кўтарилган. Бундан ташқари, ўнг ҳалқа бармоғида балиқчининг узугини кўриш – Рим папасининг қудрати рамзи – бу понтификнинг балиқчи бўлган ҳаворий Пётрнинг вориси эканини эслатиб туради.

Трамп расмга ҳеч қандай изоҳ ёзмаган. Бироқ Рим папаси Франциск вафотидан кейин Трамп аллақачон понтифик бўлишни хоҳлаётгани ҳақида ҳазиллашган.

Рим-католик черковига 2013 йилдан бери раҳбарлик қилган Рим папаси Франциск 21 апрель куни кома ва юрак етишмовчилигига олиб келган инсультдан 89 ёшида вафот этди. У билан хайрлашув авлиё Пётр соборида бўлиб ўтди. Дафн маросими 26 апрель куни авлиё Пётр майдонида бўлиб ўтди. Конклав, яъни янги папанинг ёпиқ сайлови 7 май куни Ватиканда бошланади, анъанавий тарзда Сикстин капелласида ўтказилади.