Трамп Оқ уйда ўтказиладиган илк UFC жанги санасини эълон қилди

АҚШ Президенти Дональд Трамп Оқ уйда ўтказиладиган илк UFC жанги 2026 йил 14 июнь куни бўлиб ўтишини айтди. Бу ҳақда “The Hill” хабар берди. 

“Келгуси йилнинг 14 июнь куни биз Оқ уй майдонида катта UFC жангини ўтказамиз”, деди Трамп.

Қизиғи шундаки, 14 июнь куни АҚШ раҳбари ўзининг 80 ёшини нишонлайди.

Мазкур тадбир 2026 йилда нишонланадиган АҚШ Мустақиллик Декларацияси имзоланганининг 250 йиллиги муносабати билан “America 250” дастурининг кенг қамровли тадбирлари қаторига киритилиши режалаштирилган.

Қайд этиш жоиз, Дональд Трампнинг UCF президенти Дана Уайт билан алоқалари яхши. У 2024 йилги сайловда Трампнинг асосий тарафдорларидан бири бўлган. Шунингдек, Трамп UFC жангини бевосита томоша қилган АҚШ Президент ҳисобланади.

Эслатиб ўтамиз, 2023 йилнинг августида Дональд Трамп UFC жангчиси Жастин Гетжни гольф ўйинига таклиф қилган. Шунингдек, 2020 йилги сайлов компанияси доирасида Невада штатида нутқида россиялик спортчи Хабиб Нурмуҳамедов ва америкалик Жастин Гэтжи ўртасидаги жангни томоша қилишини айтган.

Моҳичеҳра Қадамова