Трамп хотинидан тарсаки еган Макронга маслаҳат берди (видео)

АҚШ Президенти Дональд Трамп франциялик мавқедоши Эммануэль Макрон ва унинг рафиқаси Брижитга оилавий масалаларни ёпиқ эшиклар ортида ҳал қилишни маслаҳат берди. Бу ҳақда у кеча, 30 май куни Оқ уйдаги Овал офисда журналистлар билан учрашувда сўз очди.

Журналистнинг француз мавқедошига оила бўйича қандай маслаҳати керак бўлиши мумкинлиги ҳақидаги саволига жавоб берар экан, Трамп воқеа тафсилотлари билан таниш эмаслигини таъкидлади.

“Нима бўлганини билмайман, лекин эшикни ёпиқ сақлашни маслаҳат бераман”, деди Америка етакчиси.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от QALAMPIR.UZ (@qalampir.uz)

Трамп, шунингдек, видео пайдо бўлганидан кейин Макрон билан гаплашгани ва Франция раҳбарининг оиласида “ҳаммаси жойида” деб ишонтирганини айтди.

Эслатиб ўтамиз, 25 май куни Президент Эммануэль Макрон рафиқаси Брижит билан Вьетнамга ташриф буюрганди. Самолётдан тушаётган пайтда журналистлар Макроннинг юзига урилган лаҳзани тасвирга олган – кадрда Брижит тўлиқ кўринмаса-да, айнан унинг қўллари Президентнинг иягини кучли туртгани акс этган. Ушбу ҳолатга тайёр бўлмаган Макрон қаттиқ ҳайратга тушиб, бир неча сония оғзи очиқ ҳолда қотиб қолган.

Аввалига Елисей саройи Брижит Макрон ва Эммануэль Макроннинг ҳаракатлари ҳеч қандай кучли жанжални ёки ўзаро келишмовчиликни англатмаслигини ва бу оддий ҳазил эканини  маълум қилди. Бироқ Президентнинг яқин дўстларидан бири бу воқеани “эр-хотиннинг кичик жанжали” деб атади. Ўз навбатида, Макрон бу тахминни рад этиб, улар ҳазиллашганини айтди.

Франциядаги спорт залида ўзини ҳимоя қилиш курсига бағишланган эълонда хотинидан шапалоқ еган Президент Эммануэль Макрон устидан ҳазил қилинди.  “Хотинингиз сизни урадими? Ўзини ҳимоя қилиш курсларига ёзилинг! Қўшимча маълумот учун маъмуриятга мурожаат қилинг”, дейилади плакатдаги ёзувда.