Тошкентда Nexia ҳайдовчиси пиёдани уриб, дарахтни синдирди (видео)

Тошкент шаҳрининг Бектемир туманида жорий йилнинг 31 май куни содир бўлган йўл транспорт ҳодисасида ҳайдовчи пиёдани уриб юборди ва дарахтни ҳам синдирди. Бу ҳақда “Миллар” хабар берди.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от QALAMPIR.UZ (@qalampir.uz)

Аниқланишича, 1970 йилда туғилган ҳайдовчининг Matiz машинаси ва 1995 йилда туғилган ҳайдовчи бошқарувидаги Nexia автомобили тўқнашган. Оқибатда Nexia ҳайдовчиси руль бошқарувини йўқотиб, йўл четидаги йўловчини уриб, дарахтни синдирган.

Жароҳатланган фуқаро Республика шошилинч тиббий ёрдам илмий марказининг Тошкент вилояти филиалига олиб борилган.

Шифокорнинг сўзларига кўра, беморга бош мия ёпиқ жароҳати, бош мия чайқалиши, чап сон суяк ўрта учлигидан ёпиқ синиши каби ташхислар қўйилган. Унга зудлик билан шошилинч тиббий ёрдам кўрсатилган ва реанимация бўлимига ётқизилган.

“Режали даволашлардан кейин беморга синган оёғи қайта тикланиб, 3 июнь куни жарроҳлик амалиёти ўтказилди. Ҳозирда беморнинг аҳволи қониқарли”, дейди шифокор.

Ҳозирда ҳодиса юзасидан Тошкент шаҳар Тергов бошқармаси томонидан тергов ҳаракатлари олиб борилмоқда.

Эслатиб ўтамиз, 2025 йилнинг 2 май куни Тошкент шаҳрининг Яшнобод туманида BYD пиёдалар йўлагидан ўтаётган одамни уриб юборганди.