Тошкентда 8 та машина иштирокида ЙТҲ содир бўлди

3-саҳифа

−

01 Июнь 2023 visibility5321

Тошкент шаҳри Учтепа туманида 8 та машина иштирокида йўл-транспорт ҳодисаси содир бўлди. Бу ҳада пойтахт Ички ишлар бош бошқармаси Йўл ҳаракати хавфсизлиги бошқармаси хабар берди.

Кеча, 31 май куни соат 21:00 ларда Учтепа тумани ТХАЙ–Заргарлик кўчалари кесишган чорраҳасида 8 та транспорт воситалари иштирокида йўл-транспорт ҳодисаси юз берган.

Ушбу ЙТҲда “Камаз”, 3 та Lacetti, 2 та Spark, Nexia-3 ва Matiz автомашиналари тўқнашган.

Мазкур йўл-транспорт ҳодисаси оқибатида Lacetti русумли автомашина ҳайдовчиси тан жароҳати олиб шифохонага олиб кетилган.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.

Эслатиб ўтамиз, аввалроқ Тошкентда 6 та машина иштирокида йўл-транспорт ҳодисаси юз берганди.

Мақола муаллифи