Тошкентда 4 та машина тўқнашди
3-саҳифа
−
08 Октябрь 2022 8015
Тошкентнинг Яккасарой туманида тўртта транспорт воситаси иштирокида йўл-транспорт ҳодисаси содир бўлди. Бу ҳақда пойтахт ИИББ хабар берди.
ЙТҲ жорий йилнинг 6 октябрь куни тахминан соат 13:30 ларда Яккасарой тумани ҳудудидаги Кичик халқа автомобиль йўлида юз берган. 2000 йилда туғилган К.Х. бошқарувидаги Nexia-3, 1987 йилда туғилган Р.А. бошқарувидаги Spark, 1993 йилда туғилган Б.С. бошқарувидаги Nexia-3 русумли, 1980 йилда туғилган Д.Г. бошқарувидаги JETOUR русумли машиналар тўқнашган.
Дастлабки маълумотга кўра ЙТҲга 22 яшар ҳайдовчи бошқарувидаги Nexia-3 русумли транспорт воситаси ҳайдовчиси йўл ҳаракати қоидаларига риоя этмасдан, йўлнинг қарама-қарши қисмига чиқиб ҳаракатлангани сабаб бўлган.
Оқибатда тўртта автомашина иштирокидаги йўл-транспорт ҳодисаси содир бўлган.
Тўқнашув натижасида Spark автомашинаси ҳайдовчиси, шунингдек йўловчиси – вояга етмаган 2013 йилда туғилган Ж.Ж. тан жароҳатлари олиб, тиббиёт муассасасига олиб борилган.
Мазкур ҳолат юзасидан Тошкент шаҳар ИИББ ЙҲХБ томонидан терговга қадар текширув ўтказилмоқда.
Live
Барчаси
