Тошкент шаҳар ҳокимлиги огоҳлантириш билан чиқди

Тошкент шаҳар ҳокимлиги аҳолини кўчмас мулк сотиб олишда эҳтиёткор бўлишга чақирмоқда. Бу ҳақда ҳокилик матбуот хизмати хабар берди.

Ҳокимликка кўра, амалиёт ва таҳлиллар шаҳар ҳокимлиги билан келишилмаган, айниқса йўл бўйлаб қурилган ноқонуний иншоотлар нафақат шаҳар инфратузилмаси, балки аҳолининг кундалик ҳаёти учун ҳам жиддий муаммолар туғдираётганини кўрсатмоқда. Автомобиль тўхташ жойлари ва кириш йўлларининг йўқлиги ҳайдовчиларнинг тез харид қилиш эҳтиёжини қондириш учун бошқа ҳаракатланувчилар ва пиёдаларга ноқулайликлар яратмоқда.

“Бундай қурилмалар ирригация тизимига зарар етказиб, сув чиқариш каналларини тўсиб қўяди ва баҳор мавсумида ҳудудларни сув босиш хавфини оширади ва болалар аравалари ҳамда имконияти чекланган шахсларнинг ҳаракатланишини қийинлаштиради. Шунингдек, шаҳарнинг меъморий кўринишини бузади, яшил ҳудудларга киришни тўсади ва умумий шаҳар қиёфасига зид келади”, дейилади хабарда.

Билдирилишича, айни дамда тегишли таҳлиллар олиб борилиб, ихтисослаштирилган хизматлар томонидан ноқонуний қурилмаларни бартараф этиш ишлари давом эттирилмоқда.

Ҳокимлик пойтахт аҳолиси ва тадбиркорларига

• маиший ва тижорат бинолари, тураржой иморатлари учун мавжуд ҳужжатларни шаҳарсозлик меъёрларига мувофиқлигини қайта текшириш тавсия қилди;
• кўчмас мулк сотиб олишда эҳтиёткор бўлиш, юридик хизматлардан маслаҳат олиш, Тошкент шаҳар кадастр хизматлари томонидан берилган ҳужжатларсиз бошқа ҳеч қандай ҳужжат турлари қонуний кучга эга эмаслигини йодда тутишни сўради.

Шунингдек, потенциал харид билан боғлиқ барча тафсилотларни аниқлаштириш учун ваколатли органларга шахсан ёки давлат хизматларининг онлайн тизимлари орқали мурожаат қилиш керак.