Тошкент марказидаги бир нечта кўча вақтинча ёпилади
Жамият
−
15 Ноябрь 2023 5868
Тошкент шаҳри марказидаги бир нечта кўча вақтинча ёпилади. Бу ҳақда шаҳар ҳокимлиги ахборот хизмати хабар берди.
Маълум қилинишича, жорий йилнинг 19 ноябрь куни Давлат байроғи куни ва Конституция кунига бағишланган “Янги нафас” ҳамда “Экиден” халқаро оммавий югуриш мусобақалари бўлиб ўтади.
Шу муносабат билан шаҳарнинг қуйидаги кўчалари вақтинча ёпилади:
17 ноябрь куни соат 00:00 дан 19 ноябрь куни соат 12:00 гача:
• Афросиёб кўчасининг Ислом Каримов кўчаси билан кесишмасидан Бешёғоч кўчаси билан кесишмасигача бўлган қисми;
19 ноябрь куни соат 06:30 дан 09:30 гача:
• Афросиёб кўчасининг Ислом Каримов кўчаси билан кесишмасидан бошлаб Ойбек, Нукус ва Абдулла Қодирий кўчалари.
