Тошкент аэропорти яқинидаги ошхонада ёнғин бўлди
3-саҳифа
−
06 Июль 3477
Бугун, 6 июль куни Тошкент халқаро аэропорти учиб кетиш зали ёнидаги ошхонада ёнғин содир бўлди. Бу ҳақда Тошкент шаҳар Фавқулодда вазиятлар бошқармаси хабар берди.
Қайд этилишича, маҳаллий вақт билан соат 11:20 да Тошкент халқаро аэропорти вокзал олди майдонида янги кафеда ёнғин келиб чиққан. Воқеа жойига зудлик билан аэропорт ва шаҳар ўт ўчириш бўлимлари етиб келган. Ёнғин соат 11:47 да ўчирилган.
Ёнғин оқибатида 5 кв метр майдонга зарар етган. Жабрланганлар йўқ. Дастлабки маълумотларга кўра, ҳодисага ошхонадаги кичик ёнғин сабаб бўлган.
Тошкент халқаро аэропорти нормал режимда ишлаётгани маълум қилинди.
Эслатиб ўтамиз, аввалроқ Тошкентда бир-бирига туташ қурилган хонадонларда ёнғин содир бўлганди.
Live
Барчаси
