Топ-клублар FIFA таклифини рад этди
Спорт
−
13 Декабрь 2022 3984
Европанинг топ-клублари АҚШда ўтказилиши режалаштирилган клублар ўртасидаги 2025 йилги Жаҳон чемпионатида иштирок этишдан бош тортди. Бу ҳақда "Daily Mail" нашри хабар берди.
Манбага кўра, FIFA АҚШда 32 та жамоа иштирокида клублар ўртасидаги Жаҳон чемпионатини ўтказиш бўйича бир қарорга келган. Функционерлар Қатарда бўлиб ўтаётган Жаҳон чемпионати вақтида Европа клублари вакиллари билан музокаралар олиб борган, бироқ аксарият жамоалар таклифни рад этган.
FIFA 2025 йилги клублар ўртасидаги Жаҳон чемпионатини ташкил этишига оз вақт қолмоқда, лекин турнир формати ҳали қандай бўлиши аниқ эмас. Саралаш механизми номаълум, телерадиокомпаниялар ва тижорат ҳамкорлари билан ҳам ҳали музокаралар бошланмаган.
Маълумот учун, ҳозиргача клублар ўртасидаги Жаҳон чемпионати ўз қитъаларида чемпион бўлган саноқли клублар иштирокида ўтказиб келинмоқда.
Live
Барчаси
