Тарихда илк бор ўзбекистонлик шахматчи жаҳоннинг Топ-3 лигига кирди

Ўзбекистонлик гроссмейстер Жавоҳир Синдоров FIDE’нинг классик шахмат бўйича жонли рейтингида илк бор жаҳоннинг энг кучли уч шахматчиси қаторидан жой олди. Бу ҳақда “Uzchess” хабар берди.

Қайд этилишича, бу Ўзбекистон шахмати тарихидаги илк шундай натижа ҳисобланади.

АҚШ чемпионатида Фабиано Каруана Энди Вудвордга мағлуб бўлганидан сўнг, Жавоҳир Синдаров 2782 рейтинг очкоси билан жаҳоннинг учинчи рақамли шахматчисига айланди. Ундан юқори ўринларда Магнус Карлсен (2823) ва Ҳикару Накамура (2792) бормоқда.

Шунингдек, яна бир ўзбекистонлик гроссмейстер Нодирбек Абдусатторов ҳам жаҳоннинг энг кучли шахматчилари қаторида бормоқда. У 2780 рейтинг очкоси билан FIDE’нинг классик шахмат бўйича жонли рейтингида бешинчи ўринни эгаллаб турибди.

Маълумот учун, Синдоров жорий йилнинг сентябрь ойида Самарқандда ўтказилган 46-Жаҳон шахмат олимпиадасида Ўзбекистон терма жамоаси сафида муваффақиятли иштирок этиб, жамоавий олтин медални қўлга киритганди.

Эслатиб ўтамиз, Жавоҳир Синдоров жорий йилнинг 24 ноябридан 12 декабрига қадар Женевада бўлиб ўтадиган Жаҳон тожи учун баҳсларда иштирок этади.