Стерлинг икки йилгача қамалиши мумкин
Спорт
−
09:33 1602 1 дақиқа
Тўрт карра Англия чемпиони ва Англия терма жамоасининг собиқ ҳужумчиси Раҳим Стерлинг икки йилгача қамоқ жазосига ҳукм қилиниши мумкин. Бу ҳақда “The Sun” нашри хабар бермоқда.
Манбага кўра, футболчи хавфли тарзда автомобил бошқаришда айбланмоқда. Шунингдек, у азот оксиди сақлаганликда ҳамда гиёҳванд моддалар бўйича тест топширишдан бош тортишда айбланмоқда.
31 ёшли Стерлинг 2026 йилдан буён Нидерландиянинг “Фейеноорд” клубида ўйнаб келмоқда. У фаолияти давомида “Ливерпуль”, “Челси”, “Арсенал” ва “Манчестер Сити” клублари шарафини ҳимоя қилган.
Маълумот учун, англиялик футболчи “Манчестер Сити” билан тўрт марта Англия чемпионати, беш марта Лига кубоги ва бир марта Англия кубогида ғолиб чиққан. Шунингдек, у Англия терма жамоаси билан 2021 йилги Европа чемпионатида кумуш медаль, 2019 йилги Миллатлар лигасида эса бронза медални қўлга киритган.
Live
Барчаси
