Шавкат Мирзиёев Си Цзиньпинга ҳамдардлик билдирди

Жамият

−

06 Май visibility5486 timer1 дақиқа

Ўзбекистон Республикаси Президенти Шавкат Мирзиёев Хунань провинциясидаги саноат корхонасида юз берган фожиа оқибатида кўплаб инсонлар қурбон бўлгани ва жиддий жароҳат олгани муносабати билан Хитой Халқ Республикаси Раиси Си Цзиньпинга ҳамдардлик билдирди. Бу ҳақда Президент матбуот хизмати хабар берди.

Қайд этилишича, давлат раҳбари вафот этганларнинг оила аъзолари ва яқинларига сабр-тоқат ва бардамлик сўзларини йўллаб, жароҳатланганлар тез фурсатда шифо топишини тилаган.

Эслатиб ўтамиз, аввалроқ Хитойнинг Хунань провинциясида жойлашган пиротехника заводида юз берган кучли портлаш оқибатида камида 21 киши ҳалок бўлгани ва 61 нафар одам жароҳат олгани ҳақида хабар берилган эди. Мамлакат раиси Си Цзиньпин ушбу фожеа юзасидан чуқур ва тезкор тергов ўтказишни талаб қилган.

Мақола муаллифи