ШҲТ раҳбарлари оилаларни мустаҳкамлашга келишиб олди

Шанхай Ҳамкорлик Ташкилотига аъзо давлатлар оила институтини мустаҳкамлаш, ёшларнинг ноқонуний фаолиятга жалб этилишининг олдини олишга чақирди. Бу ҳақда Тяньцзиндаги саммит якуний декларацияси матнида айтилади. 

“Аъзо давлатлар аёллар ва болалар ҳуқуқларини, шу жумладан, таълим, соғлиқни сақлаш, ижтимоий ва ҳуқуқий ҳимоя қилиш, оила институтини сақлаш ва мустаҳкамлаш, таҳқирлашларга йўл қўйилмаслигини таъминлашга содиқлигини тасдиқлаган ҳолда, ШҲТ фаолиятининг муҳим йўналиши сифатида хотин-қизлар уюшмалари ўртасидаги алоқаларни мустаҳкамлаш тарафдори. Улар хотин-қизларнинг форумлари, қурултойлари ва учрашувларини мунтазам ўтказиш, шунингдек, ШҲТга аъзо давлатларнинг тегишли тузилмалари ўртасида ўзаро ҳамкорлик механизмини шакллантириш зарур, деб ҳисоблайдилар”, дейилади ҳужжатда. 

Унда қайд этилишича, ташкилот мамлакатлари ёш авлоднинг хавфсиз ривожланиши учун шарт-шароит яратиш ва унинг ноқонуний фаолиятга аралашиш хавфини камайтириш муҳимлигини таъкидлаб, ёшлар ҳамкорлигини янада мустаҳкамлашга хизмат қилади. 

ШҲТ давлатлари, шунингдек, хотин-қизлар форумлари, конгресслари ва учрашувларини мунтазам ўтказиш, шунингдек, ШҲТга аъзо давлатларнинг тегишли тузилмалари ўртасида ўзаро ҳамкорлик механизмини шакллантириш зарур, деб ҳисоблайди. 

Декларацияда айтилишича, ШҲТ давлатлари минтақалараро алоқаларни мустаҳкамлаш, халқ дипломатияси институтлари, дўстона жамоат ташкилотлари, қардош шаҳарлар ва маҳаллий ҳокимият органлари орқали ўзаро тушуниш ва анъанавий дўстликни доимий равишда чуқурлаштиришни давом эттиради. 

Маълумот учун, ШҲТ саммити 31 августдан 1 сентябргача Тяньцзинь шаҳрида бўлиб ўтмоқда. Унда Россия Президенти Владимир Путин, 20 дан ортиқ давлат раҳбарлари ва 10 та халқаро ташкилот вакиллари иштирок этмоқда. Саммит якунида ҳамкорлик бўйича 15 та янги ҳужжат имзоланди. ШҲТ 2001 йил 15 июнда Шанхайда ташкил топган. Дастлаб у олтита давлат – Россия, Қозоғистон, Қирғизистон, Хитой, Тожикистон ва Ўзбекистонни ўз ичига олган бўлса, 2017 йилда уларга Ҳиндистон ва Покистон, 2023 йилда Эрон, 2024 йилда Беларусь қўшилди.